नाताळच्या सणानिमित्त उपमुख्यमंत्री अजित पवार यांनी राज्यातील जनतेला शुभेच्छा दिल्या

 


दैनिक हुपरी समाचार वृत्तसेवा :

मानव कल्याणा सह जगाला प्रेमाचा संदेश देणाऱ्या भगवान येशू ख्रिस्त यांच्या जन्मदिनानिमित्त साजरा होणारा नाताळचा सण सर्वांच्या आयुष्यात सुख, समृद्धी, आनंदासह उत्तम आरोग्य घेऊन येवो, समाजात एकता, बंधुता, सहकार्याची भावना वाढीस लावणारा ठरो, अशा शब्दात नाताळच्या सणानिमित्त उपमुख्यमंत्री अजित पवार यांनी राज्यातील जनतेला शुभेच्छा दिल्या आहेत.

उपमुख्यमंत्री अजित पवार शुभेच्छा संदेशात म्हणतात की, जगाला दया, क्षमा, शांती, परोपकाराची शिकवण देणाऱ्या भगवान येशू ख्रिस्त यांच्या जन्मदिनानिमित्त साजरा होणारा नाताळचा सण सर्वत्र आनंद, चैतन्य, उत्साहाचं वातावरण घेऊन येतो. छोट्यापासून मोठ्यांपर्यंत सर्वांना आनंद देणारा नाताळचा सण यंदाही उत्साहात साजरा करायचा आहे. मात्र 'ओमायक्रॉन'चं नव संकट आपल्या राज्यासह संपूर्ण जगासमोर आहे. त्यामुळे यंदा नाताळचा सण उत्साहात मात्र अत्यंत साधेपणाने, घरातच साजरा करा. नाताळचा सण साजरा करताना कोरोना प्रतिबंधक नियमांचे काटेकोरपणे पालन करा, स्वत:चं, कुटुंबाचं, समाजाचं संरक्षण करणं ही आपली सर्वांची जबाबदारी आहे, ती पार पाडूया, शासनाच्या मार्गदर्शक सूचनांचं पालन करूया, असं आवाहनही उपमुख्यमंत्र्यांनी केलं आहे.

Comments

Popular posts from this blog

10 वीचे वर्ग मित्र व्हॉट्सॲप माध्यमातून 30 वर्ष एकमेकांपासून दुरावलेले मित्र एकत्र

रविराज जामकर व कार्यकर्ते यांची महाराष्ट्र नवनिर्माण सेनेमध्ये मा.दौलतराव पाटील आण्णा यांच्या प्रमुख उपस्थितत जाहीर प्रवेश

भुयेवाडीत गव्याला हाकलणाऱ्या तरुणावर हल्ला करताच तो जागीच ठार